Get Adobe Flash player

 

"Qalinkaa wax suureeya!"

Wacdaraha Maansada Hadraawi

Nadifa Mohamed Granta Award

Xogwarranka Macallin Dhoodaan

Sky News Interviews Abdirashid Duale

Weedhsan Magazine

Xilwareejintii Maryan Qaasim

Welcome to SomSite

Xogwarranka Aamina Weheliye

Kalsoonida Nafta

Baadisooc - Maxamed Baashe X. Xasan

Gabay: Lacag la’aaneey ba’! W/T Maxamed Cilmi Dhicisow

Gabaygan “Lacag la’aaney ba’!” waxaa tiriyey: Maxamed Cilmi Dhicisow. Waa mid is-turjumaya, ifinaya, qeexaya,

sheegayana ujeedka iyo ula-kaca maanso ee uu huwan yahey, oo uma baahna arar iyo eray loo goglo, ee akhris wanaagsan.

Lacag la’aaney ba’ (Gabay)

La’dii gabay ka harey laamahaan, liilin jiray waaye

Afka waxayga laambiyey, ayey laba iswaydiine
Luuqdii inay iga luntaan, laba iswaydiine
Inaan lexejecloodoo luddii, erayga aan laabtay
Laxawgeed inaan dhaafaybaan, laba iswaydiine
Liishaanka inaan laabtaybaan, laba iswaydiine
Larkeedii inaan laalaybaan, laba isweydiine
Laqan waxaan ahaadoo, murtida laaxin ka ilaalsho
Amey laabtu soo loolisoo, luri ka soo laaddo
Caawana wax baa igu lalee, lacag la’aaney ba’!

Adduunyadaan ninkii lacag hayaa, lebiga fuulaayo
Adduunyadaan ninkii lacag hayaa, laalacsoomaayo
Adduunyadaan ninkii lacag hayaa, samada laalaayo
Adduuunyadaan ninkii lacag hayaa, libinta gaaraayo
Adduunyadaan ninkii lacag hayaa, keli lahaanaayo
Adduunyadaan ninkii lahayaa, laabta xoganaayo
Adduunyadaan ninkii lacag hayaa, locobka ruugaayo
Adduunyadaan ninkii lacag hayaa, Aw luggooynaayo
Adduunyadaan ninkii lacag hayaa, laabataynaayo
Adduunyadaan ninkii lacag leh uun, lagu lammaaneeyey
Adduunyadaan ninkii lacag hayaa, laba lixaad yeeshey
Adigaa lifaaqeed hayee, lacag la’aaney ba’!

 

Adduunyadaan ninkaan lacag lahayn, layska liidaayo
Adduunyadaan ninkaan lacag lahayn, lagu dhex loogaayo
Adduunyadaan ninkaan lacag lahayn, liitar laga siinin
Adduunyadaan ninkaan lacag lahayn, leebka lagu haayo
Adduunyadaan ninkaan lacag lahayn, laayac laga yeeley
Adduunyadaan ninkaan lacag lahayn, leelo lagu leexsho
Adduunyadaan ninkaan lacag lahayn, lagu dhex laadaayo
Adigaa lifaaqeed hayee, lacag la’aaney ba’!

 

Nin karmeed Libaaxoo gudboon, luqunta goyntiisa
Dabadhilif ku laystaanayoo, laanna kula sheegta
Iyo laaluush lagu kala liddiyo, laba walaalooda
Laqwi loo dulqaatiyo afxumo, laarri iyo laaxi
Lafajebis ku joog howl shaqoon, laga lug-gaaraynin
Luuqyada dhexdoodiyo xeryaha, gaajo kugu loogtey
Leggoo uubateeyiyo laabtoo, baahi lali waydo
Iyo Lawgoo fadhiistiyo lugtoo, socodka liimooto
Adigaa lifaaqeed hayee, lacag la’aaney ba’!

 

Adigaa rag kala layliyee, lacag la’aaney ba’
Adigaa libaasoo libdhee, lacag la’aaney ba’y ba’
Adigaa labeenoo la’dee, lacag la’aaney ba’
Adigaa laciifoo lumee, lacag la’aaney ba’
Adigaa libaaxoo lalmee, lacag la’aaney ba’
Adigaa laqdabo luudiyee, lacag la’aaney ba’
Adigaa laguu baahanyee, lacag la’aaney ba’
Adigaa lulumo midab lahee, lacag la’aaney ba’
Adaa looyar iyo leeb ahee, lacag la’aaney ba’
Asaaggey adaa ii legdaye, lacag la’aaney ba’!

 

W/T: Maxamed Cilmi Dhicisow
This email address is being protected from spambots. You need JavaScript enabled to view it.

© Weedhsan Corporation

 

Weedhsan Magazine: Download Free

.